شف للغلا.....حمدان بن محمد

شف للغلا شي قبل تطول غربتنا
أخاف كثر الغياب وتصعب الجيه
بالله بالبعد قلي وش حاجتنا
ما دام أخذنا الزعل حاجه طفوليه
نبغي نموت في بعضنا ما دام ما متنا
يا زين خل الأمور تصير عفويه
لا تفرح الحاسدين بطول صدتنا
لا تنزع القلب وتقطع مجاريه
الأرض سكه تعدتها مساحتنا
جيش من الحب خياله ورجليه
أعشوشب القلب وأمطر من صراحتنا
وحبال الأشواق معقوده ومطويه
لو إفترقنا يا عمري وش حجتنا
وإحنا نشوف الجفا بانت مواريه
الله يوم النجوم تنام ما متنا
الطرف شاقي وطرف(ن) زايد غيه
على بعضنا اذا أقفينا تلفتنا
وكلن يغير من اللهفه طواريه
وأن كان نيتك بتقطع في علاقتنا
ما عاد عندك ياشيخ الغيد حنيه
مرخوص بس خلنا نحفظ كرامتنا
قدامهم نترك الأوضاع عاديه
لا نشوف بعيونهم منا إهانتنا
ونزود الكيه اللي بالحشا كيه
لكن فديتك لا نبطي ما تلفتنا
أخاف من دمعتي لاتهل عفويه


حمدان بن محمد

صح لسان قايلها وناقلها


يعطيك الف عافيه عالطرح

يسلموو عالمرور